Bunu Azərbaycan XİN-nin Mətbuat Xidmətinin rəhbəri Hikmət Hacıyev AzVision.az-ın sorğusuna cavab olaraq bildirib.

XİN rəsmisi vurğulayıb ki, Ermənistan xarici işlər nazirinin bir-birini təkrarlayan açıqlamalarına xüsusi şərh verməyə lüzum görmürük.

"Məsələlərin dərin mahiyyətinə bələd olan şəxslər bilirlər ki, onun dedikləri reallıqdan tamamilə kənardır. Onun çıxışı riyakarlıq və saxta emosiyadan başqa bir şey deyildir.

ATƏT-in fəaliyyətdə olan sədrinin şəxsi nümayəndəsinin səhra köməkçilərinin sayının artırılması məsələsi bilavasitə substantiv və məntiqi danışıqlardan asılı köməkçi vasitədir. Krakovda münaqişənin həlli ilə əlaqədar çox məntiqli danışıqlar aparılıb.

Bu kimi çıxışları gördükdə Ermənistanın nəyə görə mövcud siyasi-iqtisadi və demoqrafik böhran şəraitində olduğunu anlamaq çox asandır. Erməni xalqı özü kimlərin ölkə rəhbərliyində olduğunu görüb nəticə çıxarmalıdır" - H.Hacıyev qeyd edib.

Eldar Tanrıverdiyev