O, ABC News telekanalına müsahibəsində Rusiya ilə müharibənin mümkün sonluğu ilə bağlı optimist bəyanat verib. Ukrayna prezidenti müharibənin sonunun onun düşündüyündən də yaxın olduğunu bildirib.

"Düşünürəm ki, biz sülhə düşündüyümüzdən daha yaxınıq", - o vurğulayıb.

Zelenskinin qələbə planının detalları məlum olub

Zelenski həmçinin müttəfiqləri Ukrayna ordusuna dəstəyi artırmağa çağırıb. Zelenski müsahibəsində Putinin Kursk əməliyyatından “qorxduğunu” iddia edib: "Bu həqiqətdir. O, çox qorxur. Niyə? Çünki rus xalqı gördü ki, Kreml rəhbəri onları qoruya bilməyəcək... Hər kəs Putinin Rusiyanın bütün ərazisini qoruya bilməyəcəyini gördü".

Xatırladaq ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Son aylarda Rusiya yenidən döyüş meydanındakı vəziyyəti öz xeyrinə dəyişib. Amma Ukrayna qoşunlarının ilk dəfə olaraq Rusiya ərazisinə girib Kurskda xeyli ərazini zəbt etməsi müharibədə dönüş nöqtəsinə çevrilib.

Tural Tağıyev
AzVision.az