Xəbərdarlıq: Hava kəskin dəyişəcək
Noyabrın 28-də Bakıda günorta saatlarında 9-14 dərəcə isti olacaq.
Arabir güclənən şimal küləyi müşahidə olunacaq. Noyabrın 29-da isə şimal küləyi yenidən cənub küləyi ilə əvəzlənəcək. Noyabrın 27-si axşamdan dekabrın 1-dək Azərbaycan ərazisində qeyri-sabit, yağıntılı hava şəraiti müşahidə ediləcək.
Noyabrın 27-si axşam əvvəlcə respublikanın qərb rayonları, noyabrın 28-də isə ayrı-ayrı rayonlarda hava şəraitinin qeyri-sabit, yağıntılı keçəcəyi gözlənilir.
Respublikanın dağlıq ərazilərində yağıntıların əsasən sulu qar və qar şəklində müşahidə olunacağı proqnozlaşdırılır.
Noyabrın 29-da yağıntılarda qısa fasilə yaranacaq. Noyabrın 30-da və 30-dan dekabrın 1-nə keçən gecə respublika ərazisində yenidən yağıntılı hava şəraiti müşahidə olunacaq.
Ümumilikdə ölkədə qeyri-sabit hava şəraiti dekabrın 1-dək müşahidə ediləcək.