Azərbaycanda bələdiyyələrin sayı azaldıla bilər

  02 İyul 2020    Oxunub : 1871
Azərbaycanda bələdiyyələrin sayı azaldıla bilər
Azərbaycanda bələdiyyələrin sayı çoxdur və onların sayının azaldılması təklifini irəli sürmüşük.
Azvision.az xəbər verir ki, bunu Milli Məclisin Regional məsələlər komitəsinin sədri Siyavuş Novruzov deyib.

Onun sözlərinə görə, problemlərin bir hissəsi buradan başlayır: "Belə olarsa, iş mexanizmi daha keyfiyyətli olur. Bundan əlavə, bələdiyyə sədrlərinin özünün seçilməsi təklifi var. Hazırkı dövrdə bələdiyyə sədrlərini üzvlər seçir. Rayona başqa icra başçısı gələndə, sədrlə yola getməyəndə deyir ki, o getməlidir və başqası gəlməlidir. Bələdiyyə üzvləri yığışıb birdən başqasını seçir. Əgər bələdiyyə sədri 5 il müddətinə seçilsə və əhalinin etibarını qazansa, o zaman addımları insanların xeyri üçün olar. Bu istiqamətdə iş aparırıq. Gələcəkdə payız sessiyasında qanunvericilikdə Seçki Məcəlləsində bununla bağlı dəyişikliklər edilə bilər".

Aytən Zəhra
Azvision.az

Teqlər: Bələdiyyə