Girovluqda olan Şahbaz Quliyevin yeni videosu ailəsinə göstərildi
Bu barədə Azvision.az -a girovun qardaşı Manaf Quliyev məlumat verib. Onun sözlərinə görə, Şahbaz Quliyevin səhhətinin normal olduğu deyilir.
Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan əsgərləri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H. Həsənovun meyiti düşməndən alınaraq Bakıda dəfn edilib.
İşğal altındakı Dağlıq Qarabağda D. Əsgərov və Ş. Quliyev üzərində qanunsuz “məhkəmə” qurulub. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilib.
Şahanə Rəhimli
Azvision.az
Teqlər: Şahbaz-Quliyev Girov Kəlbəcər