RƏSMİ: Azərbaycanda kişilərin sayı kəskin artıb
Onun sözlərinə görə, hazırda əhalinin 49,9 faizini kişi, 50,1 faizini qadınlar təşkil edir. "Uşaqların cins nisbətinin pozulması əvvəllər o qədər də hiss olunmayan, lakin hazırda cəmiyyəti düşündürən məsələlər sırasında dayanır. Əgər, bu disbalans təbii sürətdə baş verirsə, müdaxilə etmək düzgün olmazdı. Təəssüflər olsun ki, proses bir çox hallarda təbii sürətdə baş vermir. Bununla bağlı 2017-2025-ci illər üzrə Reproduktiv sağlamlığa dair Milli Strategiya hazırlanır".
S. Qəhrəmanova bildirib ki, dünyanın bir sıra aktual problemlərindən biri uşaqların cinsə görə nisbətinin pozulmasıdır: "Əfsuslar olsun ki , Azərbaycan bu problemdən kənarda qalmayıb. Problemin aradan qaldırılması istiqamətində maarifləndirmə işlərin geniş şəkildə aparılması, səhiyyə xidmətlərinin inkişafı vacibdir. Xüsusi ilə kənd yerlərində qadınlar arasında bir çox məsələlərlə bağlı (ailə planlaması, arzu edilməyən hamiləlikdən qorunmaq, süni mayalanma və s.) maarifləndirmə kampaniyalarının keçirilməsi zəruridir".
Onun sözlərinə görə, son illər aparılan tədbirlər öz müsbət nəticəsini verməkdədir. Belə ki, 2015-ci ildə hər 100 qıza 117 oğlan düşürdüsə, 2016-ci ildə yeni doğulan körpələr arasında qızların xüsusi çəkisi 46,8 faiz təşkil edərək hər 100 doğulan qıza 114 oğlan düşüb. Bioloji norma (100 qıza 105-107 oğlan düşməlidir). Hazırda bu nisbət 100-112-dir.
Aytən Zəhra
AzVision.az
Teqlər: Komitə Statistika