AzVision.az xəbər verir ki, Macarıstanın Xarici İşlər naziri Peter Siyyarto bu barədə məluçat yayıb.
“Bu qərarı verməklə biz qərəzsizliyini və nüfuzunu itirmiş siyasiləşmiş qurumun bir hissəsi olmaqdan imtina edirik”, - Macarıstan XİN-in rəhbəri “X” sosial şəbəkəsində paylaşım edib.
Macarıstan hökuməti BCM-dən çıxmaq üçün parlamentə qanun layihəsini aprelin 3-də təqdim edib. Beynəlxalq məhkəmənin İsrailin baş naziri Binyamin Netanyahunun həbsinə order verməsindən sonra Budapeşt bu qərara gəlib. BCM-in orderinə məhəl qoymayan Netanyahu məhz aprelin 3-də Budapeştə səfər edib. Macarıstan hökumətinin fikrincə, BCM “yalnız özünü deyil, bütün beynəlxalq sistemi gözdən salıb”.
Qanun layihəsinin qəbulundan sonra Macarıstan BCM-dən çıxması barədə BMT-ni xəbərdar etməlidir. Beynəlxalq hüquqa görə, qərar bir ildən sonra qüvvəyə minəcək.
Qeyd edək ki, son vaxtlar qlobal miqyasda BCM-in nüfuzu əhəmiyyətli dərəcədə devalvasiyaya məruz qalıb ki, bunun da əsas səbəbi qurumun analoji mahiyyət daşıyan hadisələrlə bağlı adətən selektiv qərarlar çıxarmasıdır. Məhz bu baxımdan, əksər dövlətlər və analitiklər BCM-in əslində siyasi təzyiq və alətinə çevrilmiş bir qurum kimi qiymətləndirirlər.
Yeri gəlmişkən, ABŞ və Rusiya BCM-in təməl prinsipi olan Roma Statutunu qəbul etməyiblər.
Sahil İsgəndərov
AzVision.az
Macarıstan BCM-i tərk edir
29 Aprel 2025
Oxunub:322
Macarıstan parlamenti ölkənin Beynəlxalq Cinayət Məhkəməsindən (BCM) çıxmasına səs verib.
Teqlər: Macarıstan BCM
Vaxtında, Aydın, Lazımlı!
-1745950606.jpg&h=190&w=280&zc=1&q=100)
-1745759929.jpg&h=120&w=187&zc=1&q=70')
