Bakı İdman Sarayında boks üzrə “Böyük İpək Yolu” beynəlxalq turnirinə yekun vurulub. Boks Federasiyasından verilən məlumata görə, Azərbaycan idmançıları yarışda 7 qızıl, 3 gümüş və 5 bürünc medala sahib olublar.

Finala vəsiqə qazanan 10 boksçumuzdan 7-si öz döyüşünü qələbə ilə başa vurub. Avropa çempionu Salman Əlizadə (49 kq) finalda rusiyalı Bator Saqaluyevdən üstün olub – 15:8. 2010-cu ilin qitə çempionatının gümüş mükafatçısı Elvin Məmişzadə Özbəkistan komandasının liderlərindən olan Şaxobiddin Zoirovu məğlub edib – 14:8. 56 kq çəki dərəcəsində finalda milli komandamızın iki üzvü – Samir Məmmədovla İlkin Ağayev üz-üzə gəlib. Son Azərbaycan çempionatının finalında olduğu kimi yenə də Məmmədov rinqi qələbə ilə tərk edib – 10:4.

Gənclər arasında Avropa çempionu Rauf Rəhimovun (81 kq) final döyüşü çətin keçib. Boksçumuz güclü Özbəkistan nümayəndəsi Boburbek Yoldaşevi 1 xal fərqlə məğlub edib – 14:13. Dünya çempionu, Olimpiya oyunlarının bürünc mükafatçısı Məhəmmədrəsul Məcidov (91+kq) final döyüşünə çıxmadan yarışın qalibi olub. Onun rəqibi ukraynalı Aleksandr Babiç həlledici görüşə çıxmaqdan imtina edib.

49 kq
Salman Əlizadə (Azərbaycan) 15:8 Bator Saqaluyev (Rusiya)

52 kq
Elvin Məmişzadə (Azərbaycan) 14:8 Şaxobiddin Zoirov (Özbəkistan)

56 kq
Samir Məmmədov (Azərbaycan) 10:4 İlkin Ağayev (Azərbaycan)

60 kq
Elnur Əliyev (Azərbaycan) 12:11 Maksim Şmıqlov (Rusiya)

64 kq
Heybətulla Hacəliyev (Azərbaycan) 14:8 Janibek Ajibay (Qazaxıstan)

69 kq
Boqdan Şelestyuk (Ukrayna) – Madiyar Askeyev (Qazaxıstan) Askeyev döyüşə çıxmayıb

75 kq
Nurdavlet Jarmanov (Qazaxıstan) – Eldar Quliyev (Qazaxıstan) Jarmanov tam üstünlüklə qalib gəlib

81 kq
Rauf Rəhimov (Azərbaycan) 14:13 Boburbek Yoldaşev (Özbəkistan)

91 kq
Toğrul İsayev (Azərbaycan) – Mansur Sardalov (Rusiya) Sardalov tam üstünlüklə qalib gəlib

+91 kq
Aleksandr Babiç (Ukrayna) – Məhəmmədrəsul Məcidov (Azərbaycan) Babiç döyüşə çıxmayıb