Ermənistan sosial-iqtisadi problemlər girdabında boğulur. Prezident Sərkisyanın apardığı yalnız siyasət nəticəsində ölkə əhalisinin sayı getdikcə azalır. Əhali problemlərdən canını qurtarmaq üçün daha sonra xarici ölkələrə üz tutmaq məcburiyyətində qalır. Ermənistanda yaşanan aclıq, səfalət əhalinin artımına da mənfi təsir göstərib.

Belə ki, Ermənistanda doğum səviyyəsi son 20 il ərzində ən təhlükəli səviyyəyə çatıb. Son statistik rəqəmlərə əsasən, Ermənistanda doğum səviyyəsi də 2 dəfə aşağı düşüb.

Bunun isə əsas səbəbi Ermənistanda hökm sürən səfalər və yoxsulluqdur. Yoxsulluq və səfalətdə yaşayan erməni ailələri uşaq sahibi olmaq istəmirlər.

Nyus armenian saytı bununla bağlı apardığı araşdırmasının nəticələrini dərc edib. Bildirilib ki, artıq Ermənistanda produktiv 1 anaya düşən uşaq sayı 1,3-dən aşağı enib. Bu isə bir millətin nəslinin kəsilməsi üçün ən real təhlükədir.

Erməni demoqrafı Ruben Yeqanyanın sözlərinə görə, son 20 ildə ölkədə doğumun səviyyəsi 2 dəfə aşağı düşüb.

Demoqraf qeyd edib ki, indiki ailələrin yalnız 70 faizi nəsil artırmağa meyillidir. Ruben Yeqanyan bunu erməni gənclərinin sabit maaşlı işlərinin olmaması ilə əlaqələndirir.

Ermənistanda elə bir sahə yoxdur ki, orada problem olmasın. Acınacaqlı vəziyyətin hökm sürdüyü sahələrdən biri də Ermənistan ordusudur.

Sabiq hərbiçi Arman Poqosyan Kavkazski uzel saytına bildirmişdir ki, Ermənistan ordusunda kriminal aləmin qanunları hökm sürür. Orduda kriminalın “yazılmamış qanunları” var və bu qanunları pozanları sərt cəza gözləyir. Əsas münaqişələr isə zabitlər və əsgərlər arasında baş verir. Əksər hallarda zabitlərin davranışı və reaksiyası əsgərin törətdiyi əmələ adekvat olmur. Əsgərlər arasında da qanlı haqq-hesablar baş verir. Bütün bunların kökündə isə bitib tükənməyən korrupsiya və rüşvətxorluq halları, anarxiya dayanır.

Ermənistan rəhbərliyi ölkə əhalisinin sayının getdikcə azalmasının səbəbini araşdırmaq əvəzinə xalqı uçuruma sürükləyir.

AzVision.az