“Gəlin və 4 uşaq yanaraq tanınmaz hala düşüb” - İcra nümayəndəsi
“Gecə saatlarından burdayıq. Gəlin və 4 uşaq yanaraq tanınmaz hala düşüb. Evin sahibi Pənah Tağıyev Şəmkirdə fəhlə işləyir. Oğlu həmin gecə malları itdiyi üçün onu axtarmağa gedib. Pənah Tağıyevin yoldaşı şəkər xəstəsi olduğundan xəstəxanada yatır. Yanğının səbəbini heç kim bilmir. Burada ümumyyətlə qaz yoxdur. Ola bilsin, yanğın ya işıqdan, ya da odun sobasından olub. Amma dəqiq səbəb ekspertizadan sonra bilinəcək”.
Qeyd edək ki, noyabrın 14-də saat 02:15 radələrində Daşkəsən rayonunun Quşçu kəndində 1970-ci il təvəllüdlü Tağıyev Pənah Cəmil oğluna məxsus ikimərtəbəli ev yanıb. Hadisə nəticəsində Tağıyev Pənah Cəmil oğlunun gəlini, 1990-cı il təvəllüdlü Tağıyeva Sevinc Şahin qızı, nəvələri - 2010-cu il təvəllüdlü Tağıyeva Aysun Asim qızı, 2012-ci il təvəllüdlü Tağıyev Sakit Asim oğlu, 2017-ci il təvəllüdlü Tağıyev Sadiq Asim oğlu və qız nəvəsi 2007-ci il təvəllüdlü Ədilxanova Günel Qoşqar qızı ölüb.
Aytən Zəhra
Azvision.az