BMT-nin ekspert qrupuna Azərbaycan sədrlik edəcək
İclasda hökumətlərarası ekspert qrupunun sədri və sədr müavini vəzifələrinə seçkilər keçirilib.
100-dən artıq ölkənin nümayəndəsinin iştirakı ilə açıq səsvermə yolu ilə Nəqliyyat, Rabitə və Yüksək Texnologiyalar Nazirliyi yanında İnformasiya Texnologiyalarının İnkişafı Dövlət Fondunun icraçı direktorunun müavini Azər Bayramov qrupun sədri vəzifəsinə seçilib. Sədrlik dövrünün icrası 1 illik müddəti əhatə edir.
Azərbaycan bu mötəbər tədbirdə ötən ildən təmsil olunur. Hökumətlərarası ekspert qrupunun işində 100-dən artıq ölkənin müvafiq dövlət qurumlarının nümayəndələri ilə yanaşı, “Alibaba Group”, “Google”, “eBay” kimi qlobal şirkətlərin və bir sıra regional IT şirkətlərin rəhbər şəxsləri xüsusi qonaq qismində iştirak edir.
Elektron ticarət” və rəqəmsal iqtisadiyyat üzrə hökumətlərarası ekspert qrupunun iclasın yekununda qəbul ediləcək xüsusi tövsiyələri əks etdirən sənəd BMT-nin Baş Assambleyasına təqdim olunacaq.
Eyni zamanda, BMT-nin Ticarət və İnkişaf üzrə Konfransı (UNCTAD) tərəfindən Elektron Ticarət Həftəsi də keçirilir. “Rəqəmsal platformaların inkişaf ölçüləri” mövzusuna həsr olunmuş tədbirdə belə platformaların yaratdığı imkanlar və əsas çətinlikləri müzakirə ediləcək və inkişaf etməkdə olan ölkələr üçün maksimum fayda təmin etmək məqsədilə konkret təkliflər irəli sürüləcək.
AzVision.az
Teqlər: BMT Azərbaycan Nazirlik