Rüstəm İbrahimbəyov kimi “vahid” namizədi olmasına baxmayaraq, Milli Şura “o olmasın, bu olsun deyərək” ehtiyat tədbirlərinə başlayıb və ehtiyat namizədlər irəli sürüb. Şuranın “əl altında” saxladıqları bunlardır:

Tarixçi alim Cəmil Həsənli

Keçmiş deputat Gültəkin Hacıbəyli

Rriyaziyyatçı alim Rafiq Əliyevin

“Turan” informasiya agentliyinin direktoru Mehman Əliyev

Xatırladaq ki, bundan başqa, Rüstəm İbrahimbəyov Milli Şura üzvlərinə məktub yazıb. Hər ehtimala qarşı qeyd edib ki, əgər fors-major vəziyyəti yaranarsa, Milli Şuranın əsasnaməsinə uyğun olaraq “vahid” namizəd konsepsiyası “əsas”namizəd prinsipi ilə əvəz olunsun.

Bu da onu nəzərdə tutur ki, əgər siyasi partiya liderlərinin namizəd olmaq istəyi, dəstəyi, şansı, resursları, maliyyə imkanları varsa, prezidentliyə namizədliklərini irəli sürürlər.

Seçkiyə az qalmış konsensus yolu ilə bir nəfər “əsas” namizəd olur və Milli Şura seçkiyə yenə də “vahid” namizədlə gedir. Səsverməyə on gün qalmış “əsas” namizəd “vahid” namizədə çevrilir.

S. Həsənova
AzVision.az