İŞİD məhv edilir: 94 ölü

İŞİD məhv edilir: 94 ölü
  30 Aprel 2015    Oxunub:1675
İraq ordusu və Hərbi Hava Qüvvələrinin İraq və Şam İslam Dövləti (İŞİD) terror təşkilatına qarşı keçirdiyi əməliyyatlar nəticəsində yüzlərlə terrorçu məhv edilib.
AzVision.az Rusiya KİV-nə istinadən xəbər verir ki, bu barədə İraqın Müdafiə nazirliyi xəbər yayıb.

Məlumata əsasən, hərbi əməliyyatların keçirildiyi Ənbar, Salah-əd-Din və Bağdad vilayətlərində 94 terrorçu məhv edilib.

İŞİD terrorçuları praktiki olaraq İraqda Ramadi şəhərini mühasirəyə alıb. Şəhərin İŞİD tərəfindən tutulacağından ehtiyatlanan 115 mindən çox sakin şəhəri artıq tərk edib.

Xatırladaq ki, ötən ilin iyun ayının əvvəlindən etibarən İraqda hökumət qüvvələri ilə İraq və Şam İslam Dövləti (İŞİD) silahlıları arasında qanlı döyüşlər davam edir. Mosul və Kərkük şəhərləri də daxil olmaqla bir sıra İraq şəhərləri İŞİD yaraqlıları tərəfindən ələ keçirilib.

İyunun sonunda "İslam Dövləti" İraqda və Suriyada onun nəzarəti altında olan ərazilərində "İslam Xilafəti" yaratdığını elan etdi. İraq hakimiyyəti bu təşkilata qarşı mübarizədə kömək üçün beynəlxalq birliyə müraciət etdi.

Eldar Tanrıverdiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur