Eldar Əzizovdan pəncərə qadağası - ÖZƏL
Bu barədə AzVision.az-a şəhər sakinləri məlumat veriblər.
Məlumata əsasən yol kənarında olan binalarda rəngli pəncərələr sökülərək ağ rəngli pəncərələrlə əvəz ediləcək. Bildirilib ki, fərqli rəngdə olan pəncərələr mütləq şəkildə dəyişdirilməlidir. Bina sakinlərinə pəncərələri öz hesablarına dəyişdirilməsi tapşırılıb.
Bu işə nəzarət isə mənzil istismar sahələrinə tapşırılıb. Hər mənzil istismar sahəsi öz ərazisində sakinləri məsələ ilə bağlı xəbərdarlıq edir.
Xatırladaq ki, daha əvvəl Eldar Əzizov binaların küçəyə tərəf hissəsində paltar sərilməsini də qadağan etmişdi.
Eldar Tanrıverdiyev
AzVision.az