İsveçrə parlamenti yüksək vəzifəli idman məmurlarının, o cümlədən Beynəlxalq Futbol Assosiasiyaları Federasiyasının (FİFA) prezidenti Yozef Blatterin bank hesablarının yoxlanılmasına imkan verəcək qanun qəbul edib.
AzVision.az AzərTAc-a istinadən xəbər verir ki, yeni qanun mənzil-qərargahları bu ölkədə yerləşən beynəlxalq idman təşkilatları, eləcə də UEFA və Beynəlxalq Olimpiya Komitəsinin fəaliyyətində şəffaflığı təmin etmək məqsədi daşıyır.
Bu yaxında Britaniya KİV-ləri futbol üzrə 2022-ci il dünya çempionatına ev sahibliyi edəcək ölkənin seçilməsi zamanı məmurların satın alınması barədə informasiyalar yaymışdı. Mətbuatda DC-2022-nin ev sahibliyini qazanan Qətərin kompaniyaları tərəfindən FİFA məmuru Cek Uorner və onun ailə üzvlərinə 2 milyon dollar rüşvət verilməsi barədə yazılar dərc olunmuşdu.
Noyabr ayında isə qurumun etika üzrə arbitraj palatasının səsvermə zamanı heç bir qanun pozuntusunun rast gəlinmədiyinə dair yekun məruzəsi açıqlanmışdı.
AzVision.az
FİFA prezidentinin bank hesabları yoxlanılacaq
14 Dekabr 2014
Oxunub:1537
Vaxtında, Aydın, Lazımlı!
