Bu barədə AİB-in İdarə Heyətinin sədr müavini Yaroslav Mandron Qazaxıstanın Almatı şəhərində keçirilən mətbuat konfransında məlumat verib. Onun sözlərinə görə, bank Ermənistan üçün 2022-2026-cı illər aralığında nəzərdə tutulan investisiya həcmini ötüb. Belə ki, 2022-ci ildə beşillik strategiya çərçivəsində AİB ilə Ermənistan hökuməti bu həcmin 2026-cı ilədək təqribən 280 milyon dollarda qərarlaşmasına dair razılığa gəliblər:
"O dövrdə əvvəlki təcrübə nəzərə alınanda sözügedən məbləğ çox böyük görünürdü. Hazırda isə hədəfimizi ötmüş, Ermənistana artıq 380 milyon dollar sərmayə qoymuşuq. Bu, strategiyamız üzrə gözləniləndən xeyli çoxdur. Beləliklə, məqsədimiz sərmayə həcmini 2026-cı ilin sonunadək yarım milyard dollara çatdırmaqdır. Bu, tamamilə mümkün nəticədir".
Yaroslav Mandron vurğulayıb ki, AİB Ermənistanda əsasən üç sahəyə: Zəngəzur Mis və Molibden Zavodu ilə genişmiqyaslı proqrama, şirkətlərin rəqəmsallaşdırılma və optimallaşdırılması layihələrinə, kiçik və orta sahibkarlığa dəstəyə diqqət yetirir. Sədr müavinin məlumatına görə, İrəvan bankın ayırdığı vəsaitin 99%-ni iqtisadiyyatın real sektoruna yönəldir.
Firudin Həmidli
AzVision.az
Avrasiya İnkişaf Bankı Ermənistana investisiyanı artırır
18 Dekabr 2025
Oxunub:999
Avrasiya İnkişaf Bankı (AİB) 2026-cı ildə Ermənistana qoyulan investisiya həcmini 500 milyon dollara çatdırmağı planlaşdırır.
Teqlər: AİB Ermənistan investisiya
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
