Bu barədə ABŞ-nin "The Politico" onlayn qəzeti öz mənbələrinə istinadən məlumat yayıb. Qəzet diqqətə çatdırır ki, Vaşinqton venesuelalı "diktator"un taxtından devrilməsini gözləyir. Donald Tramp hökuməti nümayəndələri belə bir şəraitdə necə addımlar atılacağı barədə artıq öz təkliflərini irəli sürürlər. Sürgün planı xüsusilə nəzərə çarpır. Belə ki, gözlənilən nəticə meydana gələrsə, Nikolas Maduronun Türkiyəyə, Rusiyaya, Kubaya, yaxud Azərbaycana "təhlükəsiz şəkildə" sürgünə yollanılması barədə söhbətlər aparılır.
Başqa bir təklifdə isə "diktator"un saxlanılaraq ABŞ-də məhkəmə qarşısına çıxarılmasının vacibliyindən danışılır: "Çünki ABŞ-Venesuela qarşıdurması Karakasda rejim dəyişikliyinə hesablanmayıb. Vaşinqton bu ölkədəki narkoşəbəkələrlə mübarizə aparır. Məhz Nikolas Maduronun da adı bu çərçivədə ittihamlara tuş gəlir".
Hökumət nümayəndələri belə qənaətdədirlər ki, Venesuelaya qarşı nəinki aktiv hərbi müdaxilə, hətta müharibə hədələri də Karakasda xaos meydana gətirir: "Beləliklə, "diktator" öz hakimiyyətini hər an itirə bilər".
Son aylarda ABŞ və Venesuela arasında gərgin münasibətlər Vaşinqton tərəfindən bu ölkədə narkoşəbəkələrin fəaliyyəti bəhanəsi irəli sürülərək başlayıb. Donald Tramp bu minvalda Karib dənizində ABŞ-nin hərbi gücünün artırılması barədə tapşırıq verib. O, Venesuela hökumətini və birbaşa Nikolas Maduronu narkoşəbəkələrlə əlbirlikdə təqsirləndirir. Öz növbəsində, rəsmi Karakas bu cür ittihamları ölkənin suverenliyinə açıq təhlükə sayaraq vurğulayır ki, Vaşinqtonun əsl hədəfi rejim dəyişikliyidir.
Firudin Həmidli
AzVision.az
Politico: "Tramp Maduronu Azərbaycana sürgünə göndərə bilər"
25 Noyabr 2025
Oxunub:1899
"ABŞ ilə Venesuela arasında son dövrdə meydana gələn gərgin ab-hava fonunda Vaşinqton bu ölkənin Prezidenti Nikolas Maduronu sürgünə göndərmək istəyir".
Teqlər: ABŞ Venesuela diktator sürgün Azərbaycan
Vaxtında, Aydın, Lazımlı!
-1780587274.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
