Azərbaycan paraatleti dördqat dünya çempionu olub

Azərbaycan paraatleti dördqat dünya çempionu olub
  25 May 2024    Oxunub:634
Azərbaycanın paraatleti Lamiyə Vəliyeva dördqat dünya çempionu olub.
AzVision.az xəbər verir ki, o, Yaponiyanın Kobe şəhərində keçirilən yarışda T13 kateqoriyasında 400 metr məsafəyə qaçışda bütün rəqiblərini qabaqlayıb.

Vəliyeva finişə 55.03 saniyəyə çatıb.

Qeyd edək ki, bu, 22 yaşlı paralimpiya çempionunun ümumilikdə dördüncü dünya çempionluğudur. Lamiyə Vəliyeva Kobedəki turnirin ilk günündə 100 metr məsafəyə qaçışda fəxri kürsünün ən yüksək pilləsinə qalxıb.

O, ötən il Fransanın paytaxtı Parisdə təşkil edilən dünya çempionatında 100 və 400 metr məsafəyə qaçışda qızıl medala sahib çıxıb.

AzVision.az



Teqlər:





Xəbər lenti