AzVision.az xəbər verir ki, bunu “Biz bir ailəyik” Əlilliyi olan şəxslərə dəstək İctimai Birliyinin sədri Günay Ağazadə Azərbaycan Dövlət Neft və Sənaye Universitetində təqdimatı keçirilən “Yuxumdakı şəhid” sənədli filminin ərsəyə gəlmə səbəbi haqqında məlumat verərkən deyib.

Onun sözlərinə görə, bir şəhidin məclisində təsadüfən bir ananın sinəsindəki şəhid şəkli diqqətini çəkib:

“Şəkildəki şəhidin siması mənə haradansa tanış gəlirdi. Elə həmin an yuxumu xatırladım, bu, həmin şəhiddir deyib adına baxdım, anası ilə tanış oldum. Olanları ona danışdım. Ana da təəccübləndi. Uzun zamandan sonra yaşadıqlarımı lentə almağa, sənədli film çəkməyə qərara aldıq. Yaşadığım hadisənin təsirindən hələ də çıxa bilmirəm. Hər dəfə kimsə məndən qardaşımın olduğunu soruşanda, mən xeyr cavabını verirdim. Lakin indi həmin suala “bəli, var, amma şəhid olub” deyirəm. Mən bu gün fəxrlə yaxşı ki, yuxuda olsa belə Cavidi tanıdığımı deyirəm. Ruhun şad olsun, Cavid qardaşım”.

Həmidə İbrahimova
AzVision.az