Rəqəmsal İnkişaf və Nəqliyyat Nazirliyindən AzVision.az -a bildirilib ki, paytaxtın mobillik imkanlarının yaxşılaşdırılması və ictimai nəqliyyatın əlçatanlığının təmin olunması məqsədilə Azərbaycan Yerüstü Nəqliyyat Agentliyi (AYNA) tərəfindən bütün marşrut xətləri təhlil edilib və əhalinin ictimai nəqliyyata əlçatanlığının artırılması üçün yeni marşrut şəbəkəsi hazırlanıb. Yeni marşrut şəbəkəsi data əsaslı analitik alət olan Bakının "rəqəmsal əkiz"i vasitəsilə simulyasiya edilib. Nəticədə yeni şəbəkənin ictimai nəqliyyata əlçatanlığı ciddi artıracağı, eləcə də daha yüksək orta sürət göstəricilərinin olacağı müəyyənləşib. Yeni marşrut şəbəkəsi yeni avtobus zolaqları şəbəkəsi ilə birlikdə tətbiq ediləcək.
Əvvəla marşrut şəbəkəsinin Hövsan, Mərdəkan və Şüvəlan qəsəbələrinə fəaliyyət göstərəcək 5 yeni marşrut üzrə tətbiqi nəzərdə tutulur. Bu məqsədlə Hövsan qəsəbəsi (MİDA) – "28 May" metro stansiyası istiqaməti üzrə 120, Hövsan qəsəbəsi (Mərkəz) – "28 May" metro stansiyası istiqaməti üzrə 120E, Hövsan qəsəbəsi (MİDA) – "Əhmədli" metro stansiyası istiqaməti üzrə 121E, Şüvəlan qəsəbəsi – "Koroğlu" metro stansiyası istiqaməti üzrə 140, Mərdəkan qəsəbəsi – "Koroğlu" metro stansiyası istiqaməti üzrə 140E nömrəli müntəzəm və ekspres avtobus marşrutları müsabiqəyə təqdim edilib.
Ekspres marşrutlar sərnişin daşımalarının daha sürətli təmin edilməsinə şərait yaradacaq. Təşkil ediləcək marşrut şəbəkəsində yeni nömrələmə tətbiq ediləcək.
AzVision.az
Paytaxtda yeni marşrut şəbəkəsinin tətbiqinə başlanılır
02 May 2024
Oxunub:897
Azərbaycanda mobilliyin transformasiyası proqramı çərçivəsində yeni marşrut şəbəkəsinin tətbiqinə başlanılıb.
Teqlər: Rəqəmsal-İnkişaf-və-Nəqliyyat-Nazirliyi marşrut
Vaxtında, Aydın, Lazımlı!
_1512566280_1512579447.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
