Bu barədə Monqolustanın Mərkəzi Bankı məlumat yayıb. Qeyd olunub ki, 2024-cü ilin mart ayının ortalarına ölkənin valyuta ehtiyatları görünməmiş həddə çataraq 5 016,3 milyon dollar təşkil edib. Belə ki, bu ilin əvvəlindən bank sistemi vasitəsilə xarici valyuta axınının artması və müsbət xarici ticarət saldosunun qorunub saxlanması hesabına valyuta ehtiyatları 1,9% və ya 95 milyon dollar artıb.
Vurğulanıb ki, valyuta ehtiyatlarının bu cür artması ölkənin kredit reytinqinə müsbət təsir göstərəcək, özəl sektorun maliyyə fəaliyyətini dəstəkləyəcək, əhalinin milli valyutaya - tuğrikə inamını gücləndirəcək. “Həmçinin, 2024-cü ilin ilk iki ayında Monqolustan Bankının daxili bazardan aldığı qiymətli metalların həcmi 2,3 tona çatıb. 2023-cü ilin eyni dövrü ilə müqayisədə bu rəqəm 88% və ya 1,1 ton artıb”, - deyə məlumatda bildirilib.
İlkin Nəcəfzadə
AzVision.az
Monqolustanın valyuta ehtiyatları rekord həddə çatıb
19 Mart 2024
Oxunub:581
Monqolustanın rəsmi valyuta ehtiyatları ölkə tarixində ilk dəfə ən pik həddə yüksəlib və 5 milyard dollardan çox olub.
Teqlər:
Vaxtında, Aydın, Lazımlı!
-1708596417.jpg&h=200&w=200&zc=2&q=70)
