Fədayə Vətənə gəlməsini Oğuzda toy mərasiminə dəvət ilə əlaqələndirib:

“Hazırda hava limanındayam. Azərbaycana gəlirəm. Üç gün Vətəndə olacağam. Gəlməyimin səbəbi isə Oğuz rayonunun Muxas kəndində keçirilən toyla əlaqədardır. Məclisdə çıxış edəcəyəm. Çox güman ki, axşam saatlarında başlayan toy səhərə kimi davam edəcək. Səhərə qədər oxuyacağam və çox yorğun olacağam. Oktyabrın 24-də isə Moskvaya geri qayıdacağam”.

Müğənni bildirib ki, toydan sonra Bakıya gəlib bir neçə televiziya proqramlarına çəkiləcək və verilişlərdə qonaq olacaq.

Fədayə həmçinin bu aylar ərzində 10 kiloqram kökəldiyini vurğulayıb:

“Yaman kökəlmişəm. 55 kiloqram çəkim vardı. İndi isə 65 kiloqramam. Kökəlmək yaxşı bir şey deyil. İnsan özünü narahat hiss edir. Əslində mənə çox arıq olmaq da yaraşmır. Düzdür, üzdən mənə kökəlmək yaraşsa da, amma bədən formamda yaraşmır. İştaham yaxşıdır, yeyirəm kökəlirəm. Artıq çəki aldığıma görə özümdən xoşum gəlmir. 47 yaşım var. Axı mənim nə yaşım var…”.

Müğənni oğlu Əhləmdən də söz açıb:

“Əhləm bir müddət əvvəl Bakıda idi. Üç ay qaldı, sonra Rusiyaya - yanıma geri döndü. İndi isə oğlum işləri ilə əlaqədar Türkiyədədir”.

Qeyd edək ki, Fədayə oğlu Əhləmlə birlikdə uzun müddətdir Rusiyada yaşayır. Onlar Moskvada restoran biznesi ilə məşğul olurlar.



AzVision.az