AzVision.az xəbər verir ki, bu barədə elmi araşdırma "Advances in Atmospheric Sciences" jurnalında dərc olunub.

ABŞ-da Tomas Universitetinin professor Cohn Abraham vurğulayıb ki, qlobal istiləşmənin 90 faizdən çoxu okeanlara doğru hərəkət edir. "Okeanların istiləşməsi səbəbindən daha ekstremal hava şəraiti yaşayırıq. Bunun bütün dünyada dəhşətli təsirləri var", Abraham qeyd edib.

1958-ci ildən əldə edilən qeydlər göstərir ki, 1990-cı ildən sonra okeanın temperaturu əhəmiyyətli dərəcədə artıb, istiləşmə sürətlənib.



Araşdırmada okeanların istiləşməsinin və ekstremal hava şəraitinin təsirlərinin bəşəriyyət xalis sıfır emissiya səviyyəsinə çatana qədər artacağı vurğulanıb. Bildirilib ki, orta enlik Sakit və Atlantik okeanlarında intensiv istiləşmə ilə yanaşı, Şimal yarımkürəsində rekord qıran istilik dalğaları və quraqlıq hadisələri artıb.

Ümumdünya Meteorologiya Təşkilatı oktyabr ayında bütün əsas istixana qazlarının atmosferdəki konsentrasiyasının rekord səviyyəyə çatdığını vurğulayıb.

Aytən Zəhra
AzVision.az