Titanda həyat axtarışı: NASA Saturnun peykinə ağıllı dron göndərəcək - FOTO

Titanda həyat axtarışı: NASA Saturnun peykinə ağıllı dron göndərəcək - FOTO
  12 Avqust 2021    Oxunub:4566
ABŞ Milli Aviasiya və Kosmos İdarəsi (NASA) Yer kürəsindən kənarda həyat axtarışlarını davam etdirir. Hazırda NASA-nın əsas hədəflərindən biri Saturn planetinin peyki Titandır.
Bu missiyanı "Dragonfly" adlı dron yerinə yetirəcək. Azvision.az xəbər verir ki, "Planet Science Journal" 2030-cu ildən sonra reallaşacaq Titan missiyasının məqsədi və vəzifələri barədə geniş məqalə dərc edib. Qeyd edilir ki, dron Titana endikdən sonra burada əvvəllər mövcud olmuş, ya da hazırda yaşayan canlı orqanizmləri araşdıracaq.

Bu ağıllı cihazın ekvatorda qum təpələrinin meydana gəldiyi əraziyə enəcəyi planlaşdırılır. Xüsusi hazırlanmış robot buradan torpaq nümunələri götürəcək. "Dragonfly" endiyi zonada kimyəvi biosiqnallar da axtaracaq, aktiv metan dövrünün öyrənilməsi və hazırda Titanın atmosferində, səthində baş verən prebiotik kimyanı araşdıracaq.



Məsələ burasındadır ki, Saturnun peyki Yerə qismən bənzəyir. Titanın sıx olsa da metandan ibarət atmosferi var. Burada yağışlar yağır, qitələr isə dəniz və okeanlarla əhatə olunub.

Tural Tağıyev
Azvision.az



Teqlər: NASA   Saturn  





Xəbər lenti


Azvision.az ©2014 | Bütün hüquqları qorunur