Müəllimlərin imtahan testlərinin çətinliyi ilə bağlı açıqlama
"Bizi düşündürən əsas məsələ müəllim olmaq istəyənlər üçün sualların çətinləşməsi deyil. İllər uzunu aparılan təhlillər nəticəsində məktəbə hansı müəllimin, yəni hansı öyrətmə prosesini tətbiq edən təhsilverənin lazım olduğu qənaətinə gəlinib. Analoji hadisə 2018-ci ildə yaşanmışdı. Buraxılış imtahanında abituriyentlər sualların çətinliyindən ciddi narahatlıq keçirmişdilər. Təhsil Nazirliyi mütəxəssislərini cəlb edərək araşdırmalara başlamışdı. Ondan sonra sualların yeni tədris proqramları (kurikulum) əsasında hazırlandığına aydınlıq gətirildi".
N.Teymurovanın sözlərinə görə, müəllimlərin son 10 ildə bilik vermə bacarığı müasir tələblərə cavab vermir. Bunu aparılan təhlillər göstərir.
“Son 3 ildə müəllimlərin ixtisasartırma təlimlərinin tədris proqramlarında təkmilləşdirmələr aparıldı və dövrün tələblərinə uyğunlaşdırıldı. Demirəm ki, bütün müəllimlər yeni proqramı öyrənir. Amma böyük əksəriyyət bunun üçün çalışır. Arzu edərdim ki, namizədlərimiz yeni öyrənmə prosesinə qoşulsunlar”.
Aytən Zəhra
Azvision.az
Teqlər: Müəllim