Kənd məktəbində işləmək istəməyən müəllimə yenidən imtahan verib
“Yeni ailə qurduğum üçün artıq məktəbi dəyişmək və Bakıya gəlmək istəyirdim. Müəllimlərin yerdəyişməsi müsabiqəsinə müraciət etmişdim. Lakin artımla ballar çoxaldığı üçün mən keçə bilmədim. Ona görə bu il yenidən imtahan verdim. Bakı məktəblərinin birində işləmək istəyərdim. Qəti qərar qəbul etməmişəm, lakin Kürdəmirdə işləmək fikrim yoxdur”.
Kənd məktəbinin problemlərindən danışan namizəd bildirib ki, işlədiyi məktəbdə hər il müəllim dəyişir.
“Bura gələn müəllimlər daimi işləmədikləri üçün uşaqlarda bilik bazası yaxşı deyil. Uşaqların içərisində savadlısı azdır. Müəllim yanına hazırlığa gedənlər test imtahanında yaxşı nəticə göstərir. Məktəbdə Azərbaycan dili və ədəbiyyat üzrə müəllim tək mənəm. 5-ci sinifdən 9-cu sinifə qədər 29 saatlıq dərs yüküm var. Kənd rayon yerindən uzaq olduğu üçün həvəsləndirici məqsədlə verilən məbləğ də ödənişlərə kifayət etmir. Burada olan problemlər əksər kənd məktəbləri üçün xarakterikdir, yəni sırf bura xas deyil”.
Aytən Zəhra
Azvision.az
Teqlər: Kənd-məktəbi müəllim imtahan