Nazirlikdən yenilik: kolleclər üçün maşınlar alınıb

Nazirlikdən yenilik: kolleclər üçün maşınlar alınıb
  06 Mart 2014    Oxunub:1404
Azərbaycan Respublikasının Təhsil Nazirliyi tərəfindən avtomobil nəqliyyatı ixtisası üzrə kadr hazırlayan ilk-peşə ixtisas təhsili müəssisələri üçün 11 ədəd “Renault Logan” markalı nəqliyyat vasitəsi alınıb.
Təhsil Nazirliyinin mətbuat xidmətindən AzVİsion.az-a verilən məlumata görə, bu, müvafiq sahədə fəaliyyət göstərən ilk-peşə ixtisas təhsili müəssisələrinin maddi-texniki bazasının müasir tələblərə uyğunlaşdırılması, mütəxəssis hazırlığı işinin səmərəliliyinin artırılması məqsədlərinə xidmət edir.

Qeyd edək ki, respublikamız müstəqillik əldə etdikdən sonra ilk dəfə olaraq belə bir təşəbbüs irəli sürülüb. Təlim üçün nəzərdə tutulmuş Avropa istehsalı olan bu avtomobillər 1600 kub/sm mühərrik və 5 pilləli mexaniki sürət qutusu ilə təchiz edilib. Avtomobillər həm idarəetmə, həm də təhlükəsizlik baxımından Avropa standartlarına cavab verir.

Müvafiq sahə üzrə kadr hazırlayan ilk peşə-ixtisas təhsili müəssisələri üçün alınmış yeni avtomobillər tədrisin səmərliliyinin artırılmasına münbit şərait yaradacaq.

Sevinc İltifatqızı


Teqlər:  





Xəbər lenti