“Əli və Nino” ilə bağlı gerçəklər ortaya çıxdı - FAKTLAR

“Əli və Nino” ilə bağlı gerçəklər ortaya çıxdı - FAKTLAR
  28 Mart 2021    Oxunub:3315
AZTV-də yayımlanan “Yüz ilin adamları” verilişinin budəfəki buraxılışı dünyaca məşhur, Qurban Səid imzası ilə tanınan bakılı yazıçı Məhəmməd Əsəd bəyin həyat və yaradıcılığından bəhs edir.
AzTV-nin Sosial media və ictimaiyyətlə əlaqələr şöbəsinin məlumatına görə, martın 28-i saat 22:00-da efirə gedəcək verilişdə Bakıda böyüyən Əsəd bəyin mühacirət həyatı, qalmaqallı və sirlərlə dolu ömür yolundan danışılır.



Çəkiliş qrupu yazıçının ömrünün son 4 ilini keçirtdiyi İtaliyanın Pozitano şəhərində olarkən şəxsi mənzilindəki arxivini, həmçinin yaxınlıqda yerləşən məzarını lentə almağa nail olublar. Bununla yanaşı, Almaniyanın Berlin, Frankfurt və Köln şəhərlərində tədqiqatçılarla görüşüb, Berlindəki evini də ziyarət ediblər.

Verilişdə tədqiqatçılar Qurban Səidin müəllif hüquqlarının pozulduğu, mənimsənilməsinə cəhd edilən əsərlərindən söz açaraq sübutlar təqdim ediblər. Yaradıcı heyətin Avropa və Amerika arxivlərindən əldə etdiyi faktlar sayəsində isə Məhəmməd Əsəd bəyin Qurban Səid imzası ilə yazdığı və eyni zamanda “Əli və Nino” əsəri ilə bağlı doğrular aşkara çıxıb.

Müəllif-aparıcı Hüseyn Cavadzadə verilişlə bağlı açıqlamasında bildirib ki, Qurban Səid məsələsi onun üçün ən həssas və yaralı mövzulardan biridir: “Hələ magistraturada oxuyarkən onun həyat və yaradıcılığını elmi iş kimi araşdırıb təqdim etmək istəsəm də, mümkün olmadı. Elmi rəhbərim, Qurban Səid mövzusunun araşdırmaçısı professor Həsən Quliyev mənə dəstək olmağa çalışsa da, icazə verilmədi. Amma 15 il sonra daha geniş formatda, sübutlarla, sənədlərlə Qurban Səid mövzusunu işlədim. Sözsüz ki, Qurban Səid imzasının Çəmənzəminli, yoxsa Məhəmməd Əsəd bəyə aid olması ilə bağlı apardığım araşdırma və fikirlər də verilişdə öz əksini tapıb”.

Qeydedəkki, veriliş Gənclər və İdman Nazirliyinin dəstəyi ilə ərsəyə gəlib.

Azvision.az


Teqlər: ƏlivəNino  





Xəbər lenti


Azvision.az ©2014 | Bütün hüquqları qorunur