Azərbaycan komandası 2-ci sıradadı

Azərbaycan komandası 2-ci sıradadı
  18 Fevral 2014    Oxunub:1252
Azərbaycanın fiqurlu konkisürənləri Soçi olimpiadasında 2-ci sıradadırlar.
Soçidə keçirilən XXII Qış Olimpiya Oyunlarında fiqurlu konkisürənlər arasında sərbəst proqramla çıxış yarışlarına start verilib.

AzVision.az Trend-ə istinadən xəbər verir ki, 20 cütlüyün birincilik uğrunda mübarizə apardığı yarışda 8-ci nömrə altında çıxış edən Azərbaycan idmançıları Yuliya Zlobina - Aleksey Sitnikov cütlüyü 90,48 xal toplayıblar və ümumi nəticə ilə (148,63) hələlik 2-ci sıradadır.

Qeyd edək ki, fevralın 16-da keçirilmiş qısa proqramla çıxış yarışlarında 24 cütlüyün mübarizə apardığı yarışda 58,15 xal toplayan Yuliya Zlobina - Aleksey Sitnikov dueti 14-cü pillədə qərarlaşmışdı.

Qısa proqramın qalibi 78,89 xalla ABŞ idmançıları Meril Deyvis - Çarli Uayt cütlüyü olub. Kanadalı Tessa Virtue - Skott Moyr cütlüyü 76,33 xalla ikinci, Rusiya təmsilçiləri Elena İlinix - Nikita Katsalapov cütlüyü isə 73,04 xalla üçüncü yeri tutublar.


Teqlər:





Xəbər lenti