Azərbaycan ermənilərdən FİFA-ya şikayət etdi - ETİRAZ

Azərbaycan ermənilərdən FİFA-ya şikayət etdi - ETİRAZ
  06 Fevral 2014    Oxunub:1608
Azərbaycan Futbol Federasiyaları Assosiasiyası (AFFA) qondarma `Dağlıq Qarabağ Respublıkasının` Tanınmamış Futbol Assosiasiyaları Konfederasiyası (ConİFA) tərəfindən tanınmamış dövlətlər arasında İsveçdə keçiriləcək 1-ci dünya çempionatında iştirakına etiraz edib.
AFFA-dan AzVision.az-a verilə məlumata görə, İsveç Futbol Federasiyasına və FIFA-ya etiraz məktubu göndərilib.

“2014-cü il iyunun 1-dən 8-dək İsveçdə Tanınmamış Futbol Assosiasiyaları Konfederasiyası (ConİFA) tərəfindən tanınmamış dövlətlər arasında 1-ci dünya çempionatının keçiriləcəyi barədə məlumat yayılıb.
Turnirdə qondarma Dağlıq Qarabağ respublikasının da yığma komandasının iştirak edəcəyi məlumatda öz əksini tapıb. Bununla əlaqədar Azərbaycan Futbol Federasiyaları Assosiasiyası Tanınmamış Futbol Assosiasiyaları Konfederasiyasına məktubla müraciət edərək qondarma Dağlıq Qarabağ respublikasının Ermənistan tərəfindən işğal altında saxlanılan Azərbaycan torpaqlarında elan olunduğunu, bu respublikanın heç bir dövlət və beynəlxalq təşkilat tərəfindən tanınmadığını qeyd edib, tanınmamış dövlətlər arasında 1-ci dünya çempionatında zəbt olunmuş Azərbaycan ərazilərini təmsil edən komandanın iştirakını qəti şəkildə pisləyib və buna kəskin etirazını bildirib.

Qeyd edək ki, turnirin İsveçdə keçirilməsi nəzərdə tutulduğu üçün məsələ ilə bağlı İsveç Futbol Federasiyasına və FIFA-ya məktub göndərilib”.

AzVision.az


Teqlər:  





Xəbər lenti