İki ölkə arasında sərhəd probleminə son qoyulur

 İki ölkə arasında sərhəd probleminə son qoyulur
  07 İyul 2020    Oxunub:3162
Hindistan və Çinin sərhəd məsələsi üzrə xüsusi nümayəndələri - Hindistanın milli təhlükəsizlik müşaviri Şri Ajit Doval və Çinin Dövlət katibi və Xarici İşlər naziri Vang Yi arasında telefon danışığı olub.
Azvision.az xəbər verir ki, hər iki xüsusi nümayəndə Hindistan-Çin sərhəd bölgəsinin qərb hissəsində baş vermiş son hadisələrə dair fikir mübadiləsi aparıb.

Onlar Hindistan-Çin sərhəd bölgəsində sülh və əmin-amanlığın qorunmasının ikitərəfli münasibətlərin daha da inkişaf etdirilməsi istiqamətində vacib olduğunu və iki tərəf arasında fikir ayrılığının mübahisəyə səbəb olmasına yol verilməməsi üçün tərəflərin liderlərinin razılaşmaya rəhbərlik etməsini qəbul ediblər.

Beləliklə, sülh və əmin-amanlığın tam şəkildə bərpası üçün faktiki sərhəd rolunu oynayan nəzarət xətti boyunca qoşunların qısa zamanda tamamilə geri çəkilməsi, Hindistan-Çin sərhəd bölgəsində gərginliyin azaldılmasının təmin edilməsinin zəruriliyinə dair razılığa gəlinib.

Bununla əlaqədar olaraq hər iki tərəf faktiki sərhəd rolunu oynayan nəzarət xətti boyunca qoşunlarının geri çəkilməsi prosesini sürətlə başa çatdırmaq barədə razılığa gəliblər. Tərəflər Hindistan-Çin sərhəd bölgəsində tədricən və mərhələli şəkildə münaqişənin sonlandırılmasını təmin etməlidir. Onlar faktiki nəzarət xəttinə ciddi şəkildə hörmətlə yanaşmalı olduğunu və status-kvonu dəyişdirmək üçün birtərəfli addım atmama və gələcəkdə sərhəd bölgələrində sülh və əmin-amanlığı poza biləcək hər hansı bir hadisənin baş verməməsi üçün birlikdə işləməli olduqlarınına dair razılıqlarını ifadə ediblər.

Hər iki xüsusi nümayəndə yuxarıda qeyd edilən nəticələrə nail olmaq üçün tərəflərin diplomatik və hərbi rəsmilərinin Hindistan-Çin sərhəd məsələsi üzrə Məsləhətləşmə və Əlaqələndirmə İşçi Mexanizmi (WMCC) çərçivəsində müzakirələri davam etdirmələri və əldə edilmiş uzlaşmanı vaxtında həyata keçirmələri barədə razılığa gəliblər.

Xüsusi nümayəndələr, həmçinin ikitərəfli müqavilə və protokollara uyğun olaraq Hindistan-Çin sərhəd bölgəsində sülh və əmin-amanlığın tam şəkildə və davamlı bərqərar olmasını təmin etmək üçün danışıqların davam etdiriləməsini qərara alıblar.

Pərvanə Sultanova
Azvision.az


Teqlər: Hindistan  





Xəbər lenti