Kafenin icarədarı həbs edildi, 11 müştəri cərimələndi

  04 İyul 2020    Oxunub : 4694
 Kafenin icarədarı həbs edildi, 11 müştəri cərimələndi
Sumqayıt şəhərində sərtləşdirilmiş xüsusi karantin rejimi qaydalarına əməl etməyən, mövcud preventiv tədbirlərin şərtlərinin pozulması ilə müşayiət olunan kafe aşkarlanıb.
Azvision.az xəbər verir ki, Sumqayıt Şəhər Polis İdarəsindən verilən məlumata görə, idarənin 3-cü Polis Bölməsinin əməkdaşlarının keçirdiyi müvafiq tədbirlərlə 45-ci məhəllədə “Tac” kafesinin icarədarı Elvin Arif oğlu Hüseynov və 11 müştəri inzibati məsuliyyətə cəlb olunub. Ümumilikdə 12 nəfər saxlanılaraq barələrində qanunvericiliyə uyğun tədbirlər görülüb.

İnzibati Xətalar Məcəlləsinin 211-ci maddəsinə uyğun olaraq, kafenin icarədarı 25 sutka həbs edilib, digərləri cərimə olunublar.

Azvision.az

Teqlər: Sumqayıt