AzTV-nin əməkdaşı koronavirusdan vəfat etdi

  01 İyul 2020    Oxunub : 5193
   AzTV-nin əməkdaşı koronavirusdan vəfat etdi
“Azərbaycan Televiziya və Radio Verilişləri” Qapalı Səhmdar Cəmiyyətinin (AZTV) əməkdaşı koronavirusa yoluxaraq vəfat edib.
AzTV-dən Azvision.az -a verilən məlumata görə, qurumun İctimai-siyasi və analitik verilişlər departamentinin rejissoru Samir Nemətzadə bir neçə gün əvvəl səhhətinin ağırlaşması səbəbindən xəstəxanaya yerləşdirilsə də, onun həyatını xilas etmək mümkün olmayıb.

QSC kollektivi həyatını itirən əməkdaşına Allahdan rəhmət diləyir və ailəsinə dərin hüznlə baş sağlığı verir.

Bildirilib ki, hazırda AzTV-nin daha 5 əməkdaşı xəstəxanada müalicə alır, 1 nəfər evə buraxılıb və onların səhhətində hər hansı ağırlaşma yoxdur.

"Xəstəliyin əməkdaşlar arasında geniş yayılmaması üçün şirkət daxilində dezinfeksiya tədbirləri davam etdirilir, hərarəti yüksək olan əməkdaşlar QSC daxilinə buraxılmır və ümumi sayı 3000-ə yaxın olan kollektivin hazırda yalnız min nəfəri iş başındadır. Qalan əməkdaşlar isə əməkdaşlığı distant şəkildə, evdə qalaraq davam etdirir", - deyə məlumatda qeyd olunub.

Azvision.az

Teqlər: AzTV   Əməkdaş   Koronavirus