Bir ailə turşudan zəhərləndi: Ana öldü, ata ilə qızı ağır vəziyyətdədir

   Bir ailə turşudan zəhərləndi:    Ana öldü, ata ilə qızı ağır vəziyyətdədir
  13 Fevral 2020    Oxunub:4463
İmişlidə məcburi köçkün kimi məskunlaşan Ağdam sakinləri konservləşdirilmiş turşudan zəhərlənib, ana ölüb, ata və qızı ağır vəziyyətdədir.
Azvision.az APA-ya istinadən xəbər verir ki, Ağdam sakinləri - 1971-ci il təvəllüdlü Ağayev Elman Mahmud oğlu, həyat yoldaşı, 1968-ci il təvəllüdlü Ağayeva Səyalı Sarış qızı və onların qızları - 2005-ci il təvəllüdlü Ağayeva Samirə Elman qızı zəhərlənmə diaqnozu ilə İmişli Mərkəzi Rayon Xəstəxanasının İnfeksion şöbəsinə yerləşdirilib. Vəziyyətləri ağır olan ər və arvad daha sonra paytaxtda yerləşən 1 saylı Xəstəxananın Toksikologiya şöbəsinə göndərilib. Səyalı Ağayeva orada dünyasını dəyişib. Elman Ağayevin kritik vəziyyətdən çıxdığı bildirilir.

İmişli MRX-dən verilən məlumata görə, hazırda ailənin 15 yaşlı qızı komatoz vəziyyətdə xəstəxananın reanimasiya şöbəsinə yerlşdirilib. Vəziyyəti ağır olduğundan Bakıya göndərilməyib. Paytaxtdan ezam olunan həkimlər briqadası tərəfindən ona yardımlar göstərilir.

Zəhərlənməyə səbəb konservləşdirilmiş pomidor turşusundan hazırlanan xörək olub. İlkin olaraq onlara botulizm diaqnozu qoyulub.

Faktla bağlı arşadırmalar aparılır.

Azvision.az


Teqlər: İmişli   Zəhərlənmə  





Xəbər lenti