Vüqar Muradovun evindən oğurluq edən usta tutuldu

  12 Noyabr 2019    Oxunub : 1214
 Vüqar Muradovun evindən oğurluq edən usta tutuldu
Azərbaycanlı müğənni Vüqar Muradovun evindən 3500 manat oğurlanıb.
Daxili İşlər Nazirliyindən Azvision.az -a verilən məlumata görə, oğurluğu onun evinə gələn usta edib.

“Kombi ustası evimdən 3500 manat pulumu oğurlayıb. Pulumu hər zaman evdə istilik sisteminin arxasında saxlayırdım. Dünən səhər bizə gəldi, kombini düzəldib getdi. Yatmışam, ağlıma gəlməyib. O da pulu oradan götürüb gedib.

Zəng vurdum ki, qardaş, heç kim bilməyəcək, öz xoşluğunla pulumu gətir qaytar. Mənimlə elə danışdı ki... Dedim, dünən yox, o biri gün oradan 2500 manat pul götürmüşəm, dünən səhər də evə sən gəlmisən. Atama maşın almağa gedirdim. Əlimi atdım ki, pulu götürüm, gördüm, yoxdur”, - deyə V.Muradov bildirib.

Müğənni qeyd edib ki, aidiyyəti üzrə Binəqədi rayon 6-cı polis bölməsinə müraciət edib. "Polislər qısa zamanda oğrunu tapdılar və pulu mənə qaytardılar. Başda general polkovnik Vilayət Eyvazov olmaqla bütün DİN rəhbərliyi və əməkdaşlarına təşəkkür edirəm".

Azvision.az

Teqlər: DİN