YUĞ yeni mövsümə premyera ilə başlayıb

YUĞ yeni mövsümə premyera ilə başlayıb
  30 Sentyabr 2019    Oxunub:2346
YUĞ Dövlət Teatrı yeni mövsümü V.Şekspirin “III Riçard” əsərinin motivləri əsasında hazırlanmış “Lənət” tamaşasının premyerası ilə açıb.
Azvision.az xəbər verir ki, Mədəniyyət Nazirliyinin sifarişi ilə hazırlanmış tamaşanın quruluşçu rejissoru Xristo Stoyçev, rejissoru Günay Səttarova, bəstəkarı Xalq Artisti Sərdar Fərəcov, quruluşçu rəssamı Olqa Boseva, geyim üzrə rəssamı Səadətxan Ramin, rejissor assistenti Günel Səfərovadır. Pyesi Azərbaycan dilinə YUĞ Teatrının aktyoru Xalq artisti Vidadi Həsənov tərcümə edib.

Kollektiv V.Şekspirin “III Riçard” əsərini yeni səhnə redaksiyasında təqdim edib. “Lənət” adı ilə təqdim olunan səhnə əsərində Əməkdar artist Sonaxanım Mikayılova (Marqarita), aktyorlar Vüqar Hacıyev (Riçard), Zümrüd Qasımova (Kraliça Yelizaveta), Elgün Həmidov (Bekingem) və Natəvan Qeybani (Hersoqinya York, Riçardın anası, Kölgə) çıxış ediblər.

Tamaşadan sonra Mədəniyyət naziri Əbülfəs Qarayev kollektivi təbrik edib və uğurlar arzulayıb.

Azvision.az



Teqlər: YUĞ  





Xəbər lenti