Taxıl sahələrinin 89,7%-də biçin başa çatıb

Taxıl sahələrinin 89,7%-də biçin başa çatıb
  09 İyul 2019    Oxunub:1786
Respublika ərazisində taxıl biçini davam edir. Bu il Azərbaycan ərazisində 1009139,8 hektar sahədə taxıl əkini aparılıb. Bunlardan 677793 hektarı buğda, 331346,8 hektarı arpa sahəsidir.
Kənd Təsərrüfatı Nazirliyindən Azvision.az -a verilən məlumata görə, iyulun 9-na olan operativ məlumata görə, ölkə ərazisində 910692 hektar ərazidə taxıl biçini aparılıb, 332713 hektar ərazidə arpa, 577979 hektar ərazidə buğda biçini başa çatıb. Ümumilikdə bu günədək ölkə üzrə 2884866,8 ton taxıl yığılıb, orta məhsuldarlıq hər hektara 31,6 sentner təşkil edir.

Ağdam, Bərdə, İmişli, Masallı, Saatlı, Sabirabad, Salyan, Yevlax, Zərdab, Göyçay, Neftçala, Ağcabədi və Balakəndə taxıl biçini başa çatıb. Ağdaş, Kürdəmir, Tərtər, Füzuli rayonlarında taxıl biçini başa çatmaq üzrədir. Cəlilabad ərazisində arpa əkilmiş 4509 hektar sahə artıq biçilib, buğda əkilmiş 54908 hektar sahənin 50982 hektarı artıq biçilib.

Rayonda arpa məhsuldarlıq 35,2 s/ha, buğda üzrə məhsuldarlıq 37,1 s/ha təşkil edir. Füzuli ərazisində arpa əkilmiş 8505 hektar sahə artıq biçilib, buğda əkilmiş 28459 hektar sahənin 27859 hektarı artıq biçilib. Rayonda arpa məhsuldarlıq 29,0 s/ha, buğda üzrə məhsuldarlıq 31,6 s/ha təşkil edir. Ağdaş, Beyləqan, Tərtər, Qəbələ və Qax rayonlarında da taxıl biçinində yüksək nəticələr əldə edilib.

Azvision.az


Teqlər: KTN  





Xəbər lenti