Paytaxtın elektrik enerjisi ilə təchizatı yaxşılaşdırılıb

  27 May 2019    Oxunub : 710
Paytaxtın elektrik enerjisi ilə təchizatı yaxşılaşdırılıb
“Azərenerji” ASC Bakı şəhərinin elektrik enerjisi təchizatının etibarlılığı və dayanıqlılığını gücləndirmək üçün Şirvan şəhərindəki “Cənub” Elektrik Stansiyasından “Xırdalan” yarımstansiyasına 330 kilovoltluq bazada çəkdiyi 220 kilovoltluq yüksəkgərginlikli elektrik verilişi xəttində işləri yekunlaşdırıb və xətt istismara verilib.
“Azərenerji” ASC-dən Azvision.az -a verilən məlumata görə, yeni xəttin çəkilməsi paytaxta birbaşa generasiya mənbəyindən əlavə xəttin gətirilməsini təmin edərək etibarlılığı daha da artırıb. Belə ki, indi Mingəçevir və ya Səngəçaldakı elektrik stansiyalarından qidalanaraq şəhərə daxil olan yüksəkgərginlikli xətlərdə hansısa problem yaranarsa, Şirvan şəhərindəki “Cənub” Elektrik Stansiyasından birbaşa çəkilən yeni xətt BakıAbşeron yarmadasının enerji təchizatında xüsusi rol oynayacaq. Bundan əlavə, yeni xətt istismara verildiyinə görə, şəhərə daxil olan digər yüksəkgərginlikli xətləri açmaq və yükü digər xəttin üzərinə keçirməklə şəhərə verilən enerjini dayandırmadan onların üzərində təmir-bərpa işləri aparmaq mümkün olacaq.

İki dövrəli olmaqla 108 kilometr məsafədə, 330 kilovoltluq dayaqlarla çəkilən 220 kilovoltluq “Cənub-Xırdalan” hava xətti gələcəkdə 330 kilovoltluq gərginlik sinfinə keçiriləcək.

Azvision.az

Teqlər: Azərenerji   Bakı