İran ABŞ-ın 290 kəşfiyyatçısını ələ keçirib
“ABŞ-ın Mərkəzi Kəşfiyyat İdarəsinə qarşı həyata keçirdiyimiz çətin işlərin nəticəsində müxtəlif ölkələrdə, o cümlədən də İranda fəaliyyət göstərən 290 casusdan ibarət şəbəkə aşkar etmişik. Ölkəmizin xüsusi strateji əhəmiyyət daşıyan sahələrində aşkarladığımız onlarla amerikalı casus həbs edilib”, – deyə Ələvi vurğulayıb.
İran kəşfiyyatının rəhbəri onu da bildirib ki, Tehran ifşa etdiyi casus şəbəkəsi barədə məlumatları digər region ölkələrinə də ötürüb və onlar da CİA agentlərini həbs ediblər.
Ələvi, həmçinin İran kəşfiyyatının ABŞ-ın Mərkəzi Kəşfiyyat İdarəsilə yanaşı, Böyük Britaniyanın “Mi-6” məxfi kəşfiyyat xidmətinə işləyən casusların da aşkarlanması ilə məşğul olduğunu deyib.
Leyla Elbrusqızı
Azvision.az