Azvision.az xəbər verir ki, bunu Latviyanın Ventspils şəhərinin meri Ayvars Lemberqs “Baltcom” radiosuna müsahibəsində bəyan edib.

Onun sözlərinə görə, ölkəsi Varşava Müqaviləsi Təşkilatına (soyuq müharibə dövründə SSRİ-nin rəhbərliyi altında Avropanın sosialist dövlətlərinin 1955-ci ildə NATO əleyhinə yaratdıqları hərbi blok. 1991-ci ildə fəaliyyətinə son qoyulub) üzv olduğu dövrlərdə ÜDM-nin 7%-i hərbi-sənaye kompleksinin payına düşürdü. Lakin Latviya NATO-ya daxil olduqdan sonra bu göstərici sıfıra enib.

“Niyə Varşava Müqaviləsi Latviyaya NATO-dan daha sadiq, daha etibarlı və daha yaxın idi? Niyə NATO ölkələri, ilk növbədə də ABŞ Latviyaya tamamilə güvənmir, ona hörmət etmirlər və Latviyanın iqtisadiyyatının hərbi-sənaye kompleksi hesabına inkişaf etməsini istəmirlər?” – Lemberqs sual edib.

Mer bildirib ki, bu cür münasibətə baxmayaraq, Latviya NATO-ya üzvlüyə görə pul ödəyir və alyansın digər üzvlərindən hərbi texnika alaraq onların varlanmasına səbəb olur.


Leyla Elbrusqızı
Azvision.az