Azvision.az xəbər verir ki, Ərdoğan bunu martın 31-də keçirilən bələdiyyə seçkilərinin İstanbuldakı nəticələrinə görə səsləndirilən etirazlarla bağlı ilk dəfə jurnalistlərə verdiyi açıqlamasında deyib. Bildirib ki, bələdiyyə seçkilərində seçici fəallığı 83% təşkil edib və bu “bütün dünya üçün demokratiya dərsidir”.

Ərdoğanın sözlərinə görə, seçkilərdə hakim Ədalət və İnkişaf Partiyasına (AKP) qarşı mübarizə aparan və 4 siyasi partiyanın daxil olduğu müxalif siyasi blok heç ümumilikdə 47% səs yığa bilməyib.

“Türkiyə vətəndaşları bunu bilirlər və ABŞ və Avropadaklıar da bunu nəzərə almalıdırlar. Türkiyənin daxili işlərinə qarışmaq cəhdləri yolverilməzdir. Həddinizi bilin. Qərb öz hərəkətlərinə görə məsuliyyət daşımalıdır” – Ərdoğan vurğulayıb.

Türkiyə prezidenti onu da bildirib ki, 31 mart bələdiyyə seçkiləri ilə bağlı yekun qərarı Ali Seçki Komissiyası (ASK) verəcək: “ASK məhkəmə prosesinin bir növ patronudur. Yekun qərar oradan çıxacaq”.

Leyla Elbrusqızı
Azvision.az