Qadının pulqabısını oğurlayan şəxs tutuldu

Qadının pulqabısını oğurlayan şəxs tutuldu
  18 Mart 2019    Oxunub:2224
29-cu Polis Şöbəsinin əməkdaşları soyğunçuluq edən şəxsi “isti izlər”lə yaxalayıb.
DİN-dən Azvision.az -a verilən məlumata görə, Yasamal RPİ-nin 29-cu Polis Şöbəsinə müraciət edən Bakı şəhər sakini olan qadın martın 14-də Yeni Yasamal ərazisində naməlum şəxsin ona zor tətbiq edərək içərisində müəyyən məbləğ olan pulqabısını aldığını bildirib.

Müraciətlə əlaqədar müvafiq araşdırmalar aparılıb. Dərhal başlanan əməliyyat-axtarış tədbirləri nəticəsində soyğunçuluğu törətməkdə şübhəli bilinən şəxs qısa müddətdə müəyyən edilərək polis əməkdaşları tərəfindən saxlanılıb.

Araşdırmalarla onun Bakı şəhər sakini, əvvəllər xuliqanlığa görə məhkum olunmuş N.Mehdizadə olduğu müəyyən edilib. Faktla bağlı Cinayət Məcəlləsinin 180-ci (soyğunçuluq) maddəsi ilə cinayət işi başlanılıb. Araşdırma aparılır.

Azvision.az


Teqlər: DİN   soyğunçuluq  





Xəbər lenti