Qusarda həkimlər xarici vətəndaşı xilas etdilər

 Qusarda həkimlər xarici vətəndaşı xilas etdilər
  05 Mart 2019    Oxunub:2013
Şahdağ Qış-Yay Turizm Kompleksində bədbəxt hadisə baş verib. Xarici işçilərdən birinin üstünə ağır yük aşıb. Nəticədə o, ciddi xəsarətlər alaraq xəstəxanaya yerləşdirilib.
Səhiyyə Nazirliyinin mətbuat Xidmətindən Azvision.az -a verilən məlumata görə, Şepelyov Nikita Mixayloviç adlı əcnəbi işçi qaraciyər, böyrək, dalaq, bağırsağın ağır xəsarətləri, çoxlu qanitirmə və ağır travmatik şok diqnozu ilə Qusar rayon mərkəzi xəstəxanasına daxil olub.

N.Şepelyov Qusar rayon mərkəzi xəstəxanasında əməliyyat olunub. Həkimlər yaralının həyatını xilas ediblər.

Qeyd edək ki, Şepelyov Nikita Mixayloviç Səhiyyə Nazirliyinə və Qusar Mərkəzi Rayon Xəstəxanasına minnətdarlıq məktubu ünvanlayıb. Faktla bağlı Qusar rayon prokurorluğunda araşdırma aparılır.

Aytən Zəhra
Azvision.az



Teqlər: Səhiyyə-Nazirliyi  





Xəbər lenti