Putin Netanyahuya zəng edib
“Telefon söhbətində İsrail baş nazirinin Moskvaya nəzərdə tutulan işgüzar səfərini yaxın vaxtlarda gerçəkləşdirəcəyi gözləntisilə, ikitərəfli və beynəlxalq gündəliyin aktual məsələləri üzrə fikir mübadiləsi aparılıb” – məlumatda deyilib.
Həmçinin vurğulanıb ki, Netanyahu Rusiyanın qarşıdan gələn “Vətənin Müdafiəçisi Günü “ (23 fevralda qeyd olunur) münasibətilə Putini təbrik edib.
Qeyd edək ki, Netanyahunun Rusiyaya işgüzar səfəri bu günə təyin olunmuşdu. Lakin Rusiya XİN bildirib ki, İsraildəki seçkiqabağı daxili-siyasi vəziyyətlə əlaqədar Netanyahu Moskvaya səfərini qeyri-müəyyən müddətə təxirə salıb.
Leyla Elbrusqızı
Azvision.az