Vaşinqtondan erməni nazirə rədd cavabı - Görüşdən imtina edildi
Azvision.az xəbər verir ki, bu barədə “Qraparak” qəzeti Ermənistan Xarici İşlər Nazirliyindəki mənbəsinə istinadən yazıb.
“Mənbəmizin sözlərinə görə, planlaşdırılmış görüşün təxirə salınmasında Con Boltonun (ABŞ prezidentinin milli təhlükəsizlik məsələləri üzrə köməkçisi) Paşiyanla telefon söhbəti həlledici rol oynayıb. Söhbət zamanı Bolton soruşub ki, “Suriyaya missiya göndərmək yekun və geriyə dönüşü olmayan qərardırmı?” Paşinyan da "hə" cavabını verib. İndi də Ermənistan XİN bütün kanallar vasitəsilə vəziyyəti düzəltmək və xüsusən də, ABŞ dövlət katibi Mayk Pompeodan Mnatsakanyanla görüş üçün dəvət almağa çalışır, amma hələ ki, bütün cəhdlər nəticəsiz qalıb” – qəzet yazıb.
Mənbə onu da istisna etməyib ki, məsələni həll edə bilməsə, rəsmi İrəvan Mnatsakanyanın Vaşinqtona səfərinin təşkili üçün ABŞ-dakı erməni lobbisindən kömək istəyəcək: “Çünki indi bizim Vaşinqtondakı səfrimiz də heç də yaxşı durumda deyil.”
Leyla Elbrusqızı
Azvision.az
Teqlər: Ermənistan ABŞ