İndiyədək sahibkarlara 2 milyarddan çox kredit verilib

İndiyədək sahibkarlara 2 milyarddan çox kredit verilib
  18 Fevral 2019    Oxunub:2652
Sahibkarlığın İnkişafı Fondu yaranan gündən dövlət büdcəsindən 1 milyard manat vəsait ayrılıb. Ümumilikdə isə 2 milyard 250 milyon manat kredit verilib.
Azvision.az xəbər verir ki, bunu iqtisadiyyat naziri Şahin Mustafayev jurnalistlərə açıqlamasında deyib.

Nazir bildirib ki, bu gün Sahibkarlığın İnkişafı Fondunun protfeli 1 milyard 6 milyon manatdır: "3 il ardıcıl olaraq Fond dövlət büdcəsindən heç bir vəsait almadan ildə 160-170 milyon manat həcmində sahibkarlara kredit verir. Bu. onu göstərir ki, sahibkarlar tərəfindən kreditin tam əksəriyyəti qaytarılır və onun hesabına yeni layihələr maliyyələşdirilir. Proqnozlara görə, ildə 170 və bəzən 180 milyon manat qaytarılan vəsait hesabına büdcədən heç bir vəsait alınmadan sahibkarlara kredit veriləcək".

Aytən Zəhra
Azvision.az


Teqlər: Kredit   Sahibkar  





Xəbər lenti