Binadan yıxılan oğlan huşsuz vəziyyətdə tapıldı

  15 Yanvar 2019    Oxunub : 1093
 Binadan yıxılan oğlan huşsuz vəziyyətdə tapıldı
Fövqəladə Hallar Nazirliyinin "112" qaynar telefon xəttinə Bakı şəhərinin Səbail rayonunda təmir işləri zamanı 1 nəfərin hündürlükdən yıxılaraq köməksiz vəziyyətdə qalması barədə məlumat daxil olub.
Azvision.az FHN-ə istinadən xəbər verir ki, Xüsusi Riskli Xilasetmə Xidmətinin müvafiq xilasetmə qüvvələri qeyd olunan ünvana cəlb olunub.

Hadisə yerində əməliyyat şəraiti qiymətləndirilərkən müəyyən olunub ki, binanın 2-ci mərtəbəsindən yıxılan 1994-cü il təvəllüdlü Əsgərov Seymur Ədalət oğlu iki bina arasındakı boşluğa düşüb və xəsarət alıb.

Mürəkkəb şəraitdə həyata keçirilən xilasetmə tədbirləri nəticəsində S.Əsgərovun binaların arasındakı boşluqdan çıxarılması mümkün olub. Xilas olunan şəxs hadisə yerinə çağırılmış Təcili və Təxirəsalınmaz Tibbi Yardım Stansiyasının həkim briqadasına təhvil verilib. İlkin müayinə zamanı Seymur Əsgərovun huşsuz vəziyyətdə olduğu müəyyən olunub. Əməliyyat başa çatıb.

Azvision.az


Teqlər: