Fuad Muradov Rumıniyanın dövlət katibi ilə görüşüb
Dövlət Komitəsinin sədri eyni zamanda, Ermənistan-Azərbaycan, Dağlıq Qarabağ münaqişəsi barədə danışaraq, Azərbaycan həqiqətlərinin dünya ictimaiyyətinin diqqətinə çatdırılmasında diasporun rolunu qeyd edib. O, Azərbaycan icmasının yaşadıqları ölkələrin cəmiyyətinə inteqrasiya olunmasına, bu dövlətlərin ictimai-siyasi, iqtisadi və mədəni həyatında fəal iştirakına xüsusi önəm veirildiyini qonaqların diqqətinə çatdırıb.
Bu günlərdə dünya azərbaycanlılarının iki mühüm hadisəni – ümummilli lider Heydər Əliyevin 95, Azərbaycan Xalq Cümhuriyyətinin 100 illik yubileylərini qeyd etdiklərini deyən Fuad Muradov qazanılan uğurlarına ulu öndər Heydər Əliyevin və Prezident İlham Əliyevin apardığı siyasətin nəticəsi olduğunu bildirib və hə zaman bu siyasəti dəstəklədiyini vurğulayıb.
Dini məsələlər üzrə dövlət katibi Viktor Opaski ölkəmizə səfər etməsindən məmnun olduğunu bildirib. O, dünyanın bir çox ölkəsində yaşayan çoxsaylı rumın diasporu haqqında, onların təşkilatlanması, yaşadıqları ölkələrin cəmiyyətlərinə inteqrasiyası barədə ətraflı məlumat verib, ölkəsində bir çox etnik azlıqların yaşadığını və onların fəaliyyəti üçün dövlət tərəfindən münbit şəraitin yaradıldığını da qeyd edib.
Dövlət Katibi eyni zamanda, Diasporla İş üzrə Dövlət Komitəsinin fəaliyyəti ilə maraqlanaraq, Azərbaycanın bu sahədə mövcud təcrübəsinin öyrənilməsinin vacibliyini bildirib. Görüşün sonunda xatirə hədiyyələri təqdim olunub.
AzVision.az
Teqlər: Fuad-Muradov Rumıniya