Sarkisyanı dəli edən animasiya filmlərimiz - APA TV-də müzakirə (VİDEO)
01 Dekabr 2017
Oxunub:5047
Bir müddət əvvəl bizim sosial şəbəkələrdə və kirpi.info saytında Ermənistan, Sarkisyanla bağlı yerləşdirilən animasiya filmləri geniş əks-səda, Ermənistanın özündə isə qıcıq doğurdu. Ümumiyyətlə informasiya savaşında ədəbiyyat və incəsənətin rolu nədən ibarətdir? APA TV-nin "İlham Tumasla 40 dəqiqə" layihəsinin növbəti buraxılışında bu məsələ müzakirə edilib.
Azvision.az saytının baş redaktoru Vüsal Məmmədov deyib ki, hazırladıqları animasiya filmləri ermənilərə ciddi təsir edib: "Onların "Kill Dim" adlı animasiya serialı vardı, orada Azərbaycan əsgərinin həmişə alçaldılmış obrazını yaradırdılar. Erməni əsgərini isə nəcib, dünyanın ən yaxşı əsgəri kimi göstərirdilər. Uzun müddət buna cavab verilmirdi. Cizgi filminin ortaya çıxma səbəbi də bu idi ki, ermənilərə öz dilləri ilə cavab verək". V.Məmmədov bu filmlərin eyni zamanda Ermənistan cəmiyyətinə ismarıc verdiyini deyib.
Yazar Vüsalə Məmmədova deyib ki, informasiya müharibəsində vaxt itkisindən söhbət gedə bilməz: "Dil kurslarının hər biri bir Xocalı övladına təmənnasız dil öyrətsəydi, o da öz hekayəsini dünyanın anlaya biləcəyi dildə danışa bilərdi".
Hərbi ekspert Rəşad Süleymanovun sözlərinə görə dünyada informasiya müharibəsini aparan media deyil: "Biz Lələtəpəni, yaxud Talışı Abdulla Qurbaninin şerləri ilə almamışıq. İnformasiya müharibələri dövlətin müvafiq strukturları tərəfindən planlaşdırılır, qüvvə və vasitələrin cəlbi ilə aparılır. Media sadəcə bu arabanın təkərlərindən biridir".
Karikaturaçı rəssam Cavad Qafar isə animasiya sənətinin xüsusiyyətlərindən danışıb.
"İlham Tumasla 40 dəqiqə" layihəsinin növbəti buraxılışını tam olaraq www.apa.tv saytından izləyə bilərsiniz.
(apa.tv)
Teqlər: #Animasiya #Sarkisyan #İnformasiya-müharibəsi
Vaxtında, Aydın, Lazımlı!
-1732384831.jpg&h=190&w=280&zc=1&q=100)
-1732379381.jpg&h=190&w=280&zc=1&q=100)
-1732262087.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
