Azad Rəhimov 150 milyonu təkzib etdi

Azad Rəhimov 150 milyonu təkzib etdi
  02 Fevral 2016    Oxunub:3809
Gənclər və idman naziri Azad Rəhimov bəzi mətbuat orqanlarında “Formula 1” yarışına Azərbaycanın 150 milyon dollar xərcləyəcəyi barədə fikirlərə münasibət bildirib.
AzVision.az xəbər verir ki, nazir deyib ki, bütün büdcəni əvvəldən axıra kimi saymaq çox ağır işdir:

“Bu gün tam əminliklə deyirəm ki, 6 kilometrlik yollar 12 milyona başa gəlir. Pitstop binasının qiyməti təxminən 30 milyona yaxındır. İş gedir və yarışlara xərclənən büdcə elan olunacaq, gizli heç nə qalmayacaq. Büdcə 150 milyon dollar ola bilməz, rəqəm bundan çox aşağıdır”.

Nazir bildirib ki, “Formula 1” yarışları ilə bağlı pitstop binası artıq sifariş olunub, 300 metr uzunluğu, 21 metr eni, iki mərtəbəli bina tam hazır şəkildə gətirilərək Azadlıq meydanında qurulacaq:

“ “Formula 1” yarışlarına hazırlıq işləri qaydasında gedir, heç bir problem yoxdur. Çalışırıq ki, Bakı sakinlərinə heç bir problem yaranmasın. Baxmayaraq ki, 6 kilometrlik məsafədə yollar dəyişir, amma işlər çox səliqləli şəkildə aparılır, tıxaclar yaranmır.”


Teqlər:  





Xəbər lenti


Azvision.az ©2014 | Bütün hüquqları qorunur